Një mjet shpërthyes dyshohet se është vendosur sot në ordinancën “Medika” në rrugën “Dëshmorët e Kombit” në Prishtinë.

Ordinanca i përket gjinekologut Afrim Veliu i cili ditë më parë është sulmuar në mes të rrugës nga një person i panjohur, përcjell Arbresh.info.

Flora Ahmeti, zëdhënëse e policisë për rajonin e Prishtinës për Arbresh.info ka bërë të ditur se njësitet e nevojshme kanë dal në vendin e ngjarjes dhe po ndërmarrin veprimet e nevojshme.

“Sot rreth orës 14:00 kemi pranuar informatën për një mjet të dyshimtë shpërthyes në rrugën ‘Dëshmorët e Kombit’ në Prishtinë. Menjëherë në vendin e ngjarjes kanë dalë njësitet e nevojshme policore të cilat po ndërmarrin veprimet e nevojshme për ta menaxhuar situatën”, ka thënë Ahmeti.

LEXO EDHE:

Gjinekologu Veliu është goditur në kokë me mjet metalik, policia jep detaje rreth sulmit

Kujtojmë se mbrëmjen e 20 majit, gjinekologu Afrim Veliu është sulmuar fizikisht nga një person, ku është goditur në kokë me një mjet metalik derisa po futej në veturë.

Personi i dyshuar është larguar nga vendi i ngjarjes ndërsa policia ende nuk ka arritur të arrestoj./Arbresh.info

LEXO EDHE:

Dyshohet për mjet shpërthyes në Prishtinë, policia në vendin e ngjarjes